Die sentra wat deel van Studente- en Akademiese Steun vorm, kortliks SAS, se strewe is om uitmuntende akademiese steun en ontwikkelingsgeleenthede aan beide studente en personeel te lewer met suksesvolle, afgeronde studente en dinamiese personeel as einddoel.

SAS beklemtoon die belangrikheid om pro-aktief personeel en studente se ontwikkelings- en ondersteuningsbehoeftes te identifiseer om sodoende sukses te help verseker. Dit is belangrik om studente van die SAS-sentra bewus te maak en om diegene wat steun benodig, betyds te verwys. Studente en dosente met spesifieke versoeke, is hartlik welkom om direk by SAS te kom aanklop.

Om optimale steun te bied, is verwante sentrums onder een sambreel saamgesnoer om vaartbelynde, gekoördineerde en doeltreffende diens en ondersteuning te verseker.