Akkerbouproduksie
Voedselvoorsiening aan 'n steeds toenemende wêreldbevolking is afhanklik van die suksesvolle verbouing van graan- proteïen- en oliesaadgewasse. In ontwikkelde lande is hierdie gewasse ook belangrike bronne van energie en proteïene in diere-voeding. In hierdie studieveld word dus groot klem geplaas op verhoogde vlakke van produksie deur die optimale gebruik van hulpbronne soos byvoorbeeld die gebruik van geografiese inligting-stelsels (GIS) in die toepassing van pressissie-boerdery tegnieke.
Weens wêreldwye besorgdheid oor omgewingsbesoedeling geniet volhoubare produksiestelsels waarin die gebruik van gewasrotasie met nuwe gewasse en bewarings-boerdery praktyke ook baie aandag. Vinnig ontwikkelende weerstand teen chemiese onkruiddoders verg alternatiewe onkruidbeheerstrategië. Hierdie ontwikkelings en uitdagings vorm deel van kursusse aangebied en navorsingsprogramme van die Departement Agronomie.
