Die Departement Sosiologie en Sosiale Antropologie is 'n dinamiese department wat bestaan uit twee onderskeibare en verbandhoudende dissiplines, naamlik Sosiologie en Sosiale Antropologie.
Ons handhaaf 'n uitstekende reputasie as 'n sentrum van kundigheid in die onderrig van Sosiale Teorie en Navorsingsmetodologie binne en oor beide dissiplines heen.
Op voorgraadse vlak bied ons aparte hoofvakke in Sosiologie en Sosiale Antropologie aan en op nagraadse vlak dissipline-gebaseerde programme vanaf Honneurs tot Doktorale studie. Ons bied ook nagraadse programme in Sosiaalwetenskaplike Metodes.
