Die Kerngeneeskunde afdeling van die Universiteit van Stellenbosch en Tygerberg Hospitaal is een van die bedrywigste en grootste departemente van sy soort in Suid-Afrika. Die afdeling beskik oor 'n span toegewyde kundiges en moderne toerusting, doen toegepaste navorsing en het waardevolle verbintenisse met internasionale kundiges opgebou. Op 19 April 2012 is die Wes-Kaap Akademiese PET/RT Sentrum amptelik geopen. Die fasiliteit is aan die westekant van die Gene Louwgebou. Die PET/RT-skandeerder is deur NTP Radio Isotopes (deel van die Suid-Afrikaanse Kernenergiekorporasie) geskenk. Die Wes-Kaapse Departement van Gesondheid het bygedra vir die koste van die gebou, infrastuktuur en bykomende toerusting.
Areas van kundigheid sluit in:
Miokardiale perfusiebeelding
Funksionele breinbeelding
Onkologiese flikkergrafie, insluitend PET/RT
Hantering van hipertiroïdisme
Infeksiebeelding
Algemene Kerngeneeskunde
Die Kerngeneeskunde afdeling is verbind tot die lewering van 'n kwaliteit diagnostiese en terapeutiese diens.
