Die Sentrum vir Gesondheidsberoepe Onderwys (SGBO), voorheen Sentrum vir Gesondheidswetenskappe Onderrig, het vroeg in 2006 tot stand gekom. Die Sentrum is geleë in die Kliniese gebou op die 1ste vloer van die Fakulteit Gesondheidswetenskappe.

Die SGBO beywer sigself vir die stimulasie en bevordering van die akademieskap van leer en onderrig in die Gesondheidswetenskappe. Ons wil dus graag, deur opleiding van dosente in die wetenskap en kuns van bewysgebaseerde onderrig en die stimulasie van navorsing oor die veld, verseker dat ons studente hoë gehalte en koste-effektiewe opleiding ontvang en op so 'n wyse 'n bydrae maak tot die voortdurende verbetering van gesondheidsorg.

Die SGWO word deur die volgende beginsels aangedryf:

  • Uitmuntende wetenskapsbeoefening
  • Kultuur van diversiteit:
    • Mense
    • Idees
  • Gemeenskapsgeoriënteerde benadering
  • Interdissiplinariteit
  • 'n Leer kultuur

Indien u meer te wete wil kom oor ons unieke sentrum is u baie welkom om ons te kom besoek of te kontak:

Me Lesinda Daniels
Sentrum vir Gesondheidsberoepe Onderwys (SGBO) 
Fakulteit van Gesondheidswetenskappe
Stellenbosch Universiteit
Posbus 19063, Tygerberg, 7505
Tel: +27 21 938 9054
Faks: +27 21 938 9046
E-pos: lesinda@sun.ac.za

SGBO Nuus      
SGWO kry nuwe status en naam
Die Sentrum vir Gesondheidswetenskappe Onderrig (SGWO) se erkenning as 'n tipe-2 instelling van die Fakulteit Gesondheidswetenskappe is op 23 Maart 2012 deur die Senaat goedgekeur.  SGWO word nou as 'n akademiese sentrum erken. Daar is ook besluit om die Sentrum se naam, in ooreenstemming met internasionale praktyk, te verander na die Sentrum vir Gesondheidsberoepe Onderwys (SGBO).
Alle regte voorbehou © 2012 Fakulteit Gesondheidswetenskappe.  Terme van gebruik