GESKIEDENIS
Stellenbosch is geleë in die hart van die wynlanddistrik, Boland. Die onstaan van Stellenbosch Universiteit dateer terug tot 1866 met die opening van Stellenbosch Gymnasuim. Hierdie Gymnasium het later ontwikkel tot die "Lettere Departement" wat weer in 1881 gegroei het tot "Stellenbosch Kollege". In 1887 is hierdie instansie weer herbenoem ter eer van die Koningin Victoria van Engeland en het toe bekend gestaan as die "Victoria Kollege". Na die uniewording van Suid-Afrika het ernstige samesprekings oor die vestiging van een nasionale universiteit in Kaapstad die voortbestaan van hierdie Kollege bedreig. Teen 1918 was die regering egter oortuig van die belangrikheid van die voortbestaan van hierdie Kollege en het dit die Universiteit van Stellenbosch genoem.
Die Fakulteit Regsgeleerdheid is geleë in die Ou Hoofgebou, op die hoek van Victoria- en Rhyneveldstraat. Hierdie gebou was aanvanklik, in 1886, ingehuldig as die hoofgebou van die "Victoria Kollege". Die gebou is ook 'n monument ter huldiging van die 200ste herdenking van die vestiging van hierdie dorp deur Simon van der Stel in 1686.
Die Fakulteit Regsgeleerdheid van Stellenbosch Universiteit het in 1921 tot stand gekom. Aanvanklik het die fakulteit gefokus op LLB-grade ; om studente op te lei en die nodige vaardighede aan te leer as regspraktisyns en juriste. Oud-studente van hierdie fakulteit sluit in: lede van die regbank, advokate, prokureurs, politici, akademici, leiers in besigheid ens. In 1976 is die LLM (Tesis) graad vir die eerste keer toegeken aan twee studente. Die Fakulteit het ook later, in 1994 die LLM (gedoseerde) program vir die eerste keer bekend gestel. Hierdie LLM-program is baie gewild ook onder internasionale studente. Die Fakulteit verwelkom jaarliks studente van oa Duitsland, Nederland, België en ook studente van die Afrika kontinent, bv Zimbabwe, Botswana, Kenya, Tanzanië en Nigerië.
Dekane van die Fakulteit Regsgeleerdheid, Stellenbosch Universiteit
| Prof Mortie Malherbe |
1921 - 1955 |
| Prof JC de Wet |
1965 - 1968 |
| Prof AB de Villiers |
1968 - 1971 |
| Prof YP Yeats |
1971 - 1973 |
| Prof WM van der Westhuizen |
1973 - 1975 |
| Prof AH van Wyk |
1977 - 1980 |
| Prof AB de Villiers |
1981 - 1982 |
| Prof AH van Wyk |
1983 - 1984 |
| Prof HJ Erasmus |
1985 - 1987 |
| Prof CG van der Merwe |
1988 - 1990 |
| Prof JSA Fourie |
1991 - 1994 |
| Prof JSA Fourie |
1994 - 2004 (Eerste permanente aansteling as dekaan) |
| Prof GF Lubbe |
2004 - 2005 (Waarnemende dekaan) |
| Prof MJ de Waal |
2005 - 2006 |
| Prof GF Lubbe |
2007 - tot op datum |
